ވަޒީފާ

ދެންނެވުން 

މަސްވެރިންނަކީ ދައުލަތް ދަންނަ ބަޔަކަށް ހެދުމުގު މަޤްސަދުގައި މަސްވެރިންގެ ޤައުމީ ދަފުތަރެއް އެކުލަވައިލުމަށް [ކެޔޮޅު] ފޯނު އެޕްލިކޭޝަނެއް 16 ފެބްރުއަރީ 2024 ގައި މިނިސްޓްރީން ވަނީ އިފްތިތާޙްކޮށްފައެވެ. އަދި މި ދަފްތަރު ފުރިހަމަކުރުމަށްޓަކައި މި މިނިސްޓްރީން ވަނީ ގިނަ މަސައްކަތްތަކެއް ކޮށްފައެވެ. މިގޮތުން، މަސްވެރި އުޅަނދުތަކުގެ ޒިންމާވާ ފަރާތްތަކަށް ގުޅުމުގެ އިތުރުން، މަސްވެރި ރަށްރަށާއި މަސްކިރާ ބަނދަރުތަކަށް މިނިސްޓްރީގެ މުވައްޒަފުން ދަތުރުކޮށް ދަފްތަރުގައި ރަޖިސްޓަރީވުމުގައި ޢަމަލުކުރަންޖެހޭ ގޮތުގެ މައުލޫމާތު އޮޑިވެރިންނަށާއި މަސްވެރިންނަށް ފޯރުކޮށްދީފައިވާނެއެވެ. އަދި މިހާރުވެސް މި މަސައްކަތް މިނިސްޓްރީގެ ޓީމުތަކުން ދަނީ ކުރަމުންނެވެ.

މި ދަފްތަރު މެދުވެރިކޮށް އެއްކުރެވޭ މަޢުލޫމާތުތަކަކީ މަސްވެރިކަމާބެހޭ ތަރައްޤީގެ މަޝްރޫޢުތައް އެންމެ އެދެވޭ ގޮތެއްގައި ފަރުމާކުރުމަށާއި، މަސްވެރިންނަށް ބޭނުންވާ ޚިދުމަތްތައް އެކަށީގެންވާ ގޮތެއްގައި ފޯރުކޮށްދިނުމަށް ސަރުކާރުން ކަނޑައަޅާފައިވާ ސިޔާސަތުތައް ތަންފީޛުކުރުމަށްޓަކައި އެއްކުރެވޭ މުހިއްމު މަޢުލޫމާތުތަކެވެ. އެހެންކަމުން، މަސްވެރިންގެ ޤައުމީ ދަފްތަރު ވީ އެންމެ އަވަހަކަށް ފުރިހަމަކުރުމަށްޓަކައި، 

1 އޮކްޓޫބަރު 2024 އިން ފެށިގެން

 މަސްވެރިކަމުގެ ލައިސަންސް އައުކުރުމުގެ މަރުޙަލާގައި  އުޅަނދުގެ އެންމެހައި ފަޅުވެރިން ދަފްތަރުގައި ރަޖިސްޓަރީ ކުރެވިފައިވާކަން މިނިސްޓްރީން ޔަޤީންކުރާނެކަމުގައި ދަންނަވަމެވެ.

ވީމާ، ލައިސަންސް ލިބިފައިވާ އުޅަނދުތަކުގެ ފަޅުވެރިން އިސްވެދެންނެވުނު ތާރީޚުގެ ކުރިން ދަފުތަރުގައި ރަޖިސްޓަރ ކުރެވިފައިވާކަން ކެޔޮޅު ނުވަތަ އުޅަނދުގެ ވެރިފަރާތް ނުވަތަ އުޅަނދު އޮޕަރޭޓް ކޮށް އުޅަނދުގެ ކަންކަމާ ޒިންމާވާ ފަރާތުން ޔަގީންކުރުމަށް އިލްތިމާސްކުރަމެވެ. ދަފްތަރުގައި ރަޖިސްޓަރީވާނެ ގޮތުގެ ގައިޑް ތިރީގައިވާ ކިއު.އާރު. ކޯޑް ސްކޭންކޮށް ބައްލަވާލެވޭނެއެވެ. އަދި މީގެ އިތުރުން ރަޖިސްޓަރީވުމާ ގުޅޭ ވީޑިއޯއެއްވެސް މިނިސްޓްރީގެ ވެބްސައިޓްގައި ޝާއިޢުކޮށްފައިވާނެކަމުގައި ދަންނަވަމެވެ. ދަފްތަރުގައި ރަޖިސްޓަރީވުމުގައި މައްސަލައެއް ދިމާވެއްޖެނަމަ، މިނިސްޓްރީގެ ފިޝަރީޒް ކޮމްޕްލަޔަންސް ސެކްޝަންގެ ވައިބަރ ނަންބަރ (7928721) އަށް މެސެޖް ކުރެއްވުމަށް އެދެމެވެ.

މަސްވެރި އުޅަނދުގެ އެންމެހައި ފަޅުވެރިން މަސްވެރިންގެ ޤައުމީ ދަފްތަރުގައި ރަޖިސްޓްރީ ކުރުމާބެހޭ

ސަރކިއުލަރ:- މަސްވެރިކަމުގެ ލައިސަންސް އައުކުރުމުގެ މަރުޙަލާގައި އުޅަނދުގެ އެންމެހައި ފަޅުވެރިން ދަފްތަރުގައި ރަޖިސްޓަރީކުރުމާ ބެހޭ

Circular:- Registration Procedure for the National Fishermen's Register

Circular :- Registration Procedure for the National Fishermen's Register.

Circular :- Registration Procedure for the National Fishermen's Register

ޤާނޫނު ނަންބަރު: 2019/14 ދިވެހިރާއްޖޭގެ މަސްވެރިކަމުގެ ޤާނޫނުގެ ދަށުން އެކުލަވާލާފައިވާ "މަސްވެރިކަމުގެ މަޝްރޫޢުތައް ޤާއިމްކުރުމަށް ހުއްދަދިނުމުގެ ޤަވާއިދު" (ނަންބަރު: 2020/R-91) އަދި [މަސްވެރިކަމާ ގުޅުންހުރި ހަރަކާތްތަކަށް ލައިސަންސް ދިނުމާ ގުޅޭ ޤަވާއިދު (ނަންބަރު: R-82/2023) ގެޒެޓްކުރެވި އެގަވާއިދަށް މިހާރު ދަނީ ޢަމަލު ކުރަމުންނެވެ.

އިސްވެދެންނެވުނު ދެ ގަވާއިދުގެ މަޤްޞަދަކީ، ދިވެހިރާއްޖޭގައި ހިންގާ މަސްވެރިކަމުގެ މަޝްރޫޢުތަކަކީ ދިވެހިރާއްޖޭގެ މަސްވެރިކަމުގެ ޞިނާޢަތަށް އެކަމުގެ މަންފާ އެދެވޭގޮތުގައި ކުރާނެ ގޮތަށް ފަރުމާކޮށްގެން ހިންގާ މަޝްރޫޢުތަކެއްކަން ކަށަވަރުކުރުމާއިއެކު، މަސްވެރިކަމުގެ މަޝްރޫޢު ޤާއިމްކުރުމަށް ހުއްދަ ހޯދުމާއި އެ މަޝްރޫޢުތަކުގެ ދަށުން ޤާއިމްކުރާ ފެސިލިޓީތައް ހިންގުމަށް ލައިސަންސް ހޯދުމުގައި ޢަމަލުކުރަންޖެހޭ މަރުޙަލާތައް ކަނޑައަޅައި، ހަރުދަނާ އުޞޫލުތަކެއްގެ ތެރެއިން އެކަންކަން ތަންފީޒުކުރުމެވެ.

މަސްވެރިންނަށް އައިސް ފޯރުކޮށްދިނުމަށް އައިސް ޕްލާންޓް ޤާއިމްކުރުމަށް ހިންގާ މަޝްރޫޢުތަކަކީ އައިސްޕްލާންޓް ޤާއިމްކުރުމުގެ މަސައްކަތް ފެށުމުގެ ކުރިން މަސްވެރިކަމުގެ މަޝްރޫޢުތައް ޤާއިމްކުރުމަށް ހުއްދަދިނުމުގެ ގަވާއިދުގެ ދަށުން ހުއްދަ ނަގައިގެން ފަށަންޖެހޭ މަސައްކަތެއްކަމުން، މިފަދަ މަޝްރޫޢުތައް ފެށުމުގެ ކުރިން ގަވާއިދުން މި މިނިސްޓްރީން އެކަމަށް ހުއްދަ ނަގައިގެން އެމަޝްރޫޢުތައް ކުރިއަށް ގެންދިއުމަށް ދަންނަވަމެވެ.  އަދި މީގެ އިތުރުން، މި މިނިސްޓްރީން ހުއްދަ ލިބިގެން އައިސްޕްލާންޓް ޤާއިމް ކުރުމަށް ހުއްދަ ނަގާ ފަރާތްތަކުން އައިސްޕްލާންޓުގެ ޚިދުމަތް ދޭންފެށުމުގެ ކުރިން މަސްވެރިކަމާ ގުޅުންހުރި ހަރަކާތްތަކަށް ލައިސަންސް ދިނުމާ ގުޅޭ ގަވާއިދުގެ ދަށުން  "އައިސްޕްލާންޓް ހިންގުމުގެ ލައިސަންސް" ނެގުމަށްވެސް ދަންނަވަމެވެ. އަދި މިހާރު އައިސްޕްލާންޓްތައް ހިންގަމުންގެންދާ ފަރާތްތަކުންވެސް މިގަވާއިދުގެ ދަށުން ލައިސަންސް ނަގަންޖެހޭގޮތަށް ކަނޑައަޅާފައިވާކަމުގައި ދަންނަވަމެވެ.

 ވީމާ، އައިސްޕްލާންޓްތައް ހިންގަމުންގެންދާ ފަރާތްތަކުން އިސްވެދެންނެވުނު ގަވާއިދުގެދަށުން އައިސްޕްލާންޓް ހިންމުގެ ލައިސަންސަށް އެދި މިނިސްޓްރީއަށް 15 އޮކްޓޫބަރު 2024 ގެ ކުރިން ލިޔުމުން ނުވަތަ އީ-މެއިލް މެދުވެރިކޮށް ހުށަހެޅުމަށް ދަންނަވަމެވެ. މިކަމާއި ގުޅޭގޮތުން އިތުރު މަޢުލޫމާތު ސާފުކުރެއްވުމަށް މި މިނިސްޓްރީގެ ނަންބަރު:3339214  ނުވަތަ 3339215 ފޯނަށް ގުޅުއްވުމަށް ދަންނަވަމެވެ.

ފިޝަރީޒް އިންޑަސްޓްރިއަލް ޑެވެލޮޕްމަންޓް އެންޑް ޕްރޮމޯޝަން ސެކްޝަން.

 
* މިނިސްޓްރީގެ ނަންބަރު: 3339214  ނުވަތަ 3339215 
* އީ-މެއިލް މެދުވެރިކޮށް    fids@fisheries.gov.mv

Process of issuing a license to Establish an Ice Plant _ Email fid@fisheries.gov.mv  Contact Number: 3339215 / 3339214

Circulars

circulars

Circular :- Registration Procedure for the National Fishermen's Register.

circulars

Process of issuing a license to Establish an Ice Plant